Teymur Tağıyev strategiyanın hazırlanması və həyata keçirilməsi, biznesin inkişafı, layihələrin və risklərin idarə edilməsi, komplayens və korporativ məsələlər üzrə 20 ildən çox təcrübəyə malikdir.

2023-ci ildən başlayaraq cənab Tağıyev NEQSOL Holding-in Aparat Rəhbəri vəzifəsində çalışır, baş direktor ofisinə rəhbərlik edir və transformasiya və rəqəmsallaşma təşəbbüslərini koordinasiya edərək, korporativ dözümlülüyün idarə edilməsinə nəzarəti həyata keçirir. O, həmçinin holdinqin layihələrin idarə edilməsi funksiyasına rəhbərlik etməyə davam edir.

Cənab Tağıyev NEQSOL Holding-də 2018-ci ildən çalışır, buna qədər isə bir sıra böyük korporasiyalarda strategiya və layihələrin idarəedilməsi departamentlərinə rəhbərlik edib.

O, beynəlxalq hüquq dərəcəsini Bakı Dövlət Universitetində, MBA dərəcəsini isə London City Universitetinin Cass Biznes Məktəbində alıb.