Teymur Tağıyev strategiyanın hazırlanması və həyata keçirilməsi, biznesin inkişafı, layihələrin və risklərin idarə edilməsi, komplayens və korporativ məsələlər üzrə 20 ildən çox təcrübəyə malikdir.

Cənab Tağıyev NEQSOL Holding-də Baş Əməliyyat Direktoru (COO) və Ukrayna üzrə Əməliyyatlar Rəhbəri vəzifələrində çalışır.

Teymur Tağıyev Baş İcraçı Direktora (CEO) əsas tərəfdaş kimi çıxış edərək Holdinqin strateji prioritetlərinin Qrup üzrə aydın, koordinasiyalı və sistemli icraya çevrilməsini təmin edir. Funksiyalar arasında əlaqələndirmənin gücləndirilməsi, biznes proseslərinin optimallaşdırılması və resursların səfərbər edilməsi, fəaliyyət göstəricilərinin şəffaflığının artırılması və Qrupun biznesləri üzrə əsas təşəbbüslərin icrası da onun diqqət mərkəzindədir.

O, həmçinin müvafiq tərəfdaşlarla əməkdaşlıq şəraitində Qrup səviyyəsində seçilmiş strateji təşəbbüslərə rəhbərlik edir. Teymur Tağıyev resursların səfərbər edilməsi və Qrup üzrə imkanların səmərəli bölüşdürülməsi istiqamətində CEO-ya dəstək verir, bu prosesi qrup şirkətlərinin rəhbərlikləri ilə koordinasiya edir. Bundan əlavə, o, tədricən mürəkkəbləşən əməliyyat mühitində Qrup səviyyəsində potensial böhran vəziyyətlərinə cavab imkanlarının əlaqələndirilməsində və korporativ dayanıqlılığın inkişafında mühüm rol oynayır.

O, 2018-ci ildə NEQSOL Holding-ə Strategiya və Layihə İdarəetmə Ofisinin rəhbəri kimi qoşulub və həmin vaxtdan bu kritik funksiyalara nəzarət edir. 2023-cü ildən etibarən o, Aparat rəhbəri vəzifəsində çalışaraq CEO ofisinin fəaliyyətinə rəhbərlik edib, korporativ dayanıqlılıq istiqamətinə nəzarət edib, transformasiya və rəqəmsallaşma təşəbbüslərini inkişaf etdirib.

Teymur Tağıyev Bakı Dövlət Universitetində Beynəlxalq hüquq ixtisası üzrə təhsil alıb və Böyük Britaniyanın City, London Universitetinin Bayes Biznes Məktəbində (keçmiş Cass Biznes Məktəbi) Executive MBA dərəcəsi əldə edib. O, həmçinin Harvard Universitetində Chief of Staff sertifikasiya proqramını və Duke Universitetində Strategy Execution proqramını tamamlayaraq liderlik, təşkilati uyğunlaşma və strategiyanın sistemli icrası sahələrində təcrübəsini daha da gücləndirib.