NEQSOL Holding strateji baxışını gücləndirmək məqsədilə süni intellekt mövzusunda tədbir keçirib
23 Aprel 2025

NEQSOL Holding bu yaxınlarda Bakıda süni intellektə həsr olunmuş yüksək səviyyəli tədbir təşkil edib. Tədbir holdinqə daxil olan şirkətlərin baş icraçıları və yüksək vəzifəli menecerlərini bir araya gətirib. Tədbirdə məşhur süni intellekt mütəxəssisi və futurist Endryu Grill iştirak edib və əsas diqqət süni intellektin miqyaslana bilən inkişafı təmin etməsi, səmərəliliyin artırmasına və NEQSOL Holding-in 2025-ci il üçün strateji baxışını dəstəkləməsinə yönəlib.

Xüsusilə Liderlik Səyahəti Proqramı (LJP) məzunları icması üçün təşkil olunan tədbir, “TopEx Gathering” adında tədbirinin yaratdığı impuls üzərində qurulub və liderlikdə həmrəyliyi, eləcə də böyüyən LJP icmasını gücləndirməyi hədəfləyib.

Proqram çərçivəsində Endryu Grill süni intellektin müəssisələrin inkişafını, innovasiyanı və liderliyə hazırlığı necə dəyişdirdiyi barədə fikirlərini bölüşüb. O, həmçinin süni intellektin praktik tətbiq sahələrinin müəyyənləşdirilməsinə və daxili imkanların gücləndirilməsinə həsr olunmuş interaktiv seminara rəhbərlik etmişdir.

“Bu tədbir, idarəetmə komandamızı süni intellektin strateji potensialı barədə ortaq anlayış ətrafında birləşdirmək baxımından vacib bir addım idi. NEQSOL Holding-də süni intellekti transformasiyanın əsas hərəkətverici qüvvəsi kimi görürük – məqsədimiz bütün bizneslərimizdə səmərəliliyi artırmaq və uzunmüddətli dəyər yaratmaqdır,” deyə NEQSOL Holding-in Sədri Yusif Cabbarov vurğulayıb.

“Andrew Grill-in sessiyası süni intellekt səyahətimizin bu mərhələsi üçün tam olaraq praktik, ruhlandırıcı və gələcəyə yönəlik ehtiyacımız olan istiqamət idi. Biz artıq süni intellekti bütün bizneslərimizdə inteqrasiya etməyə başlamışıq və bu dialoq bizə fərziyyələri sınamaq, cəsarətli ideyaları ortaya çıxarmaq və icra bacarıqlarımızı təkmilləşdirməkdə kömək etdi,” deyə NEQSOL Holding Azərbaycan ofisinin rəhbəri İmran Əhmədzadə əlavə edib.

NEQSOL Holding-in qrup şirkətlərinin yüksək səviyyəli rəhbərləri süni intellektin müxtəlif sektorlar üzrə artan təsirini vurğulayaraq, onun səmərəliliyi artırmaq, istifadəçi təcrübəsini yaxşılaşdırmaq və yeni imkanlar yaratmaq rolunu qeyd etdilər. Onlar bildirdilər ki, süni intellekt əməliyyatları sadələşdirməyə, daha davamlı təcrübələri dəstəkləməyə və həm proseslərdə, həm texnologiyalarda innovasiyanı təşviq etməyə kömək edir.

İnsan kapitalına diqqət yetirərək, NEQSOL Holding-in İnsan Kapitalı üzrə Baş Direktoru Meriç Tunç bildirib: “Süni intellekt insan kapitalımızı necə qurub dəstəklədiyimizi yenidən formalaşdırır. Onu istedad idarəçiliyinə, strateji planlaşdırmaya və bacarıqların artırılmasına tətbiq etməklə daha çevik, inklüziv və yüksək performanslı, uzunmüddətli, texnologiya yönümlü inkişaf üçün hazır bir təşkilat yaradırıq.”

Tədbir NEQSOL Holding-in süni intellekt gündəliyini dəstəkləyir – biznesləri üzrə maarifləndirmə, hazırlıq və tətbiqi təşviq edir. O, sürətlə dəyişən bazara uyğunlaşdığı üçün şirkətin məsuliyyətli innovasiyaya və uzunmüddətli dəyərə verdiyi diqqəti ön plana çıxarır.